Sundur & saman

8. ágúst kl. 20:00, Norðurljós

Kaupa miða

Hvað er til af söngdúettum eftir kventónskáld? Er hægt að nálgast nótur að þeim? Hverjar eru og voru konurnar sem hafa samið þessa tónlist og af hverju þekkjum við svona fáar þeirra? Hver var Elísabet Jónsdóttir, Ida Boyle, Camille Chaminade? Hvað eiga Ingibjörg Azima og Rebecca Clarke sameiginlegt?

Komið á opnunartónleika Seiglu og kynnist tónlist sem sjaldan heyrist flutt. Þeir eru allt í senn tónleikar, óður til ljóða, óformleg rannsókn og feminísk sögustund. Einnig mun heimsfrumflutningur á nokkrum nýjum söngdúettum eiga sér stað.

Tónlistarkonurnar Bryndís Guðjónsdóttir sópran, Guja Sandholt mezzó-sópran og Eva Þyri Hilmarsdóttir píanóleikari hafa lengi lifað og hrærst í tónlistarheiminum en hófu nýlega að velta fyrir sér hvaða spennandi söngdúettum eftir konur tónverkasöfn heimsins luma á.

Þær munu flytja saman söngdúetta og söngljóð kvenna, fræðast um þær og vekja athygli á tónlistinni þeirra - saman og stundum í sundur - flytja þær söngdúetta, einsöngsljóð og píanóverk sem eiga erindi við okkur öll.

opnunarhátíð

Opnunarhátíð Seiglu fer fram í Hörpuhorni - komdu og fáðu þér drykk áður en fyrstu tónleikar hátíðarinnar hefjast ásamt flytjendum, skipuleggjendum og aðstandendum. Þetta er einstakt tækifæri til að hittast og fagna upphafi helgar stútfullri af fjölbreyttum viðburðum. Hátíðardagskrá og tónlistarfólk Seiglu verður kynnt og svo leiðum við inn í helgina með tónlistarflutningi frá nokkrum af flytjendum hátíðarinnar.

efnisskrá

Fanny Mendelsohn (1805-1847)
Abschiedslied der Zuvogel
Der Strauss
Strahlender Ostsee

Elísabet Jónsdóttir (1869-1945)
Ég uni best
Nú rennur sólin

María Markan (1905-1995)
Hamingjuleit
Rósir

Ingibjörg Azima (1973)
Nótt eftir nótt
Mörsugur
Gormánuður
Skerpla
Sólmánuður

Hildigunnur Rúnarsdóttir (1964): 3 dúettar úr Vísum fyrir vonda krakka
Haraldur kjúklingur
Skrímslin
Vísan um heilbrigðu hjónin
Leitin að gullinu

Cécile Chaminade (1857-1944)
Duet of the stars

Ina Boyle (1889-1967)
Have you news of my boy Jack
Sleep song

Rebecca Clarke (1886-1979)
Nacht für Nacht
The Seal Man

Pauline Viardot (1821-1910)
Les bohemiennes

Fram koma

Bryndís Guðjónsdóttir
Sópran

Eva Þyri Hilmarsdóttir
Píanóleikari

Guja Sandholt
Mezzósópran