Trompetinn & mannsröddin

10. ágúst kl. 15:30, Norðurljós

Kaupa miða

Það er áhugavert hve margt er sameiginlegt meðal trompetsins og sópranraddarinnar, en tónsvið þessara tveggja er nánast það sama. Á þessum tríótónleikum munu tónverk eftir Alessandro Scarlatti og Wolfgang Plagge fá að njóta sín, en þetta eru tónskáld fædd með nokkurra alda millibili. Þau sameinast þó í áhuga á því að láta trompet líkja eftir svífandi línum raddarinnar, og öfugt. Þá munu Íris Björk Gunnarsdóttir sópransöngkona, Ingibjörg Ragnheiður Linnet trompetleikari og Herdís Ágústa Linnet píanóleikari einnig flytja eigin útsetningar á verkum Jórunnar Viðar og Richard Strauss, þar sem flytjendur munu gera tilraunir til að afhjúpa líkindi hljóðfæra sinna í gegnum endurtekin mótíf og skapa samræður milli trompetsins og raddarinnar.

Þessir tónleikar beina sviðsljósinu að sambandi trompetsins og mannsraddarinnar og fagna sameiginlegum eiginleikum þessara tveggja ólíku hljóðfæra. Áhorfendum er boðið upp á spennandi upplifun þar sem tónlist og tjáning fléttast saman á leið sem ekki er oft fetuð á kammertónleikasviði.

Efnisskrá

Wolfgang Plagge: Liber Sequentiarium

Alessandro Scarlatti: Tvö lög úr 7 arie con tromba sola

Marcel Bitsch

Jórunn Viðar

Richard Strauss

Fram KOMA

Íris Björk Gunnarsdóttir
Sópransöngkona

Ingibjörg Ragnheiður Linnet
Trompetleikari

Herdís Ágústa Linnet
Píanóleikari