Tími í rými
8. ágúst kl. 21:00, norðurljós
Kaupa miða
Tími í rými eru tónleikar fyrir selló og píanó sem skoða hvernig tími mótast, teygist, brotnar upp, speglast og færist til - bæði í tónlistinni sjálfri og í hinu efnislega rými. Á efnisskránni eru verk eftir Olivier Messiaen, György Kurtág, Arvo Pärt og Morton Feldman, tónskáld sem umbreyttu skilningi okkar á því hvernig maður upplifir tíma í gegnum tónlist.
Sellóleikarinn Nina Vanhoenacker og píanóleikarinn Ann-Kristín Sofroniou bjóða áheyrendum upp á hlustunarupplifun þar sem tíminn virðist ýmist teygjast, dragast saman eða leysast upp. Með því að leggja áherslu á virka hlustun, meðvitund um rýmið og náin tengsl milli flytjenda, áheyrenda og umhverfis nýtir flutningurinn einfaldar breytingar á staðsetningu flytjenda til að draga fram hvernig hljóð hegðar sér í rými og hvernig það mótar skynjun okkar á tímalengd.
um flytjendur
Ann-Kristín Sofroniou er kýpversk-sænskur píanóleikari, tónskáld og rannsakandi sem vinnur á mörkum samtímatónlistar og eldri tónlistarhefða. Í starfi sínu sameinar hún spuna, listrænar rannsóknir og þverfaglegt samstarf til að finna nýjar leiðir til tónlistarflutnings og -sköpunar.
Nina Vanhoenacker er belgískur sellóleikari sem sérhæfir sig í samtímatónlist og tilraunakenndri tónlist. Hún kemur reglulega fram á alþjóðlegum vettvangi sem einleikari og kammerspilari og vinnur gjarnan þvert á listgreinar, meðal annars með kvikmyndum, dansi og myndlist.
Efnisskrá
Olivier Messiaen (1908-1992)
Louange à l’éternité de Jésus
from Quatuor pour la fin du temps
Gyorgy Kurtág (1926)
Játékok
Signs, Games and Messages
Arvo Pärt (1935)
Spiegel im Spiegel
Morton Feldman (1926-1987)
Durations IIFram KOMA
Ann-Kristin Sofroniou · píanóleikari
Nina Vanhoenacker · sellóleikari