Litla Seigla S N Ú S N Ú
9. ágúst kl. 14:00, Hörpuhorn
Frítt inn!
Við bjóðum gestum og gangandi í snú snú á Litlu Seiglu þar sem við fáum að leika okkur, hreyfa okkur og skapa skemmtilega tónlistarupplifun saman.
snú snú er í boði:
Merve Ünlü er arkitekt, borgarhönnuður og listamaður frá Tyrklandi með aðsetur í Helsinki. Hún hefur unnið að umfangsmiklum verkefnum á sviði almenningsrýma, byggingarlistar og rannsókna í Finnlandi, Tyrklandi og á Ítalíu. Í starfi sínu beinir hún sjónum að félagslegum víddum borgarhönnunar, með sérstaka áherslu á kynjafræði, inngildingu og pólitík almenningsrýma. Um þessar mundir vinnur hún að verkefninu Cityscapes: A Vision for Universal Urban Enjoyment, sem sameinar myndlist og borgarfræði og nýtur styrks frá Menningarsjóði Finnlands.
Lee Marable er arkitekt og hönnuður með aðsetur í London. Hann rekur hönnunarstofuna Regular Celery og hefur starfað hjá arkitekta- og hönnunarstofum í London, Stokkhólmi og Helsinki. Á árunum 2019-2023 gaf hann út BUM Editions, risograph-prentað tímarit um listir og menningu. Hann hefur sérstakan áhuga á siðfræði borgarhönnunar og notkun almenningsrýma.
Lee Marable · arkitekt
Merve Ünlü · arkitekt
... ásamt fleiri flytjendum Seiglu