Seigla

Seigla er kammertónlistarhátíð í Hörpu sem býður upp á fjölbreytta viðburði þar sem hið hefðbundna tónleikaform er brotið upp.

Upplýsingar um hátíðardagskrána verða tilkynntar og sala hátíðarpassa og miða hefst von bráðar.

Seiglazine

Seiglazine er árlegt tímarit gefið út í tengslum við Seiglu. Fyrsta tölublað ritsins kom út í ágúst 2025. Seiglazine er ritstýrt af Ernu Völu Arnardóttur, hannað af Lee Marable.

Í ritinu má finna aðsendar greinar, smásögur, ljóð, myndir og teikningar, hugleiðingar, slúður, verkalista og ýmislegt fleira sem berst ritinu í gegnum opið kall. Auk þess er þar að finna hátíðardagskrá Seiglu, yfirlit yfir alla viðburði hátíðarinnar, og upplýsingar um viðburðina og efnisskrár ásamt upplýsingum um flytjendur hátíðarinnar.

Hægt er að kaupa eintök með því að hafa samband við zine@seiglafestival.com, eða á varningsborði á Seiglu í Hörpu yfir helgina 7.-9. ágúst. Seiglazine er einnig til sölu í bókabúðinni Skáldu á Vesturgötu, Bókakaffinu í Ármúla og hjá Forlaginu.

Opið kall eftir aðsendu efni í Seiglazine 2026 stendur yfir núna. Upplýsingar má nálgast hér.

Litla Seigla

Í ár höldum við upp á Litlu Seiglu í fyrsta sinn: barnatónlistarhátíð sem er skipulögð og auglýst meðfram almennri dagskrá Seiglu.

Litla Seigla verður röð viðburða sem verða skipulagðir og auglýstir sérstaklega fyrir yngri kynslóðina, þar sem fjölskyldur og börn verða hjartanlega velkomin.

Dagskrá verður tilkynnt innan skamms, fylgist með hér til að sjá hvaða viðburði við munum bjóða upp á.