Mikolaj Piszczorowicz

Sellóleikari

Miki, fæddur í Póllandi (2000), hefur mikla ástríðu fyrir kammertónlist. Hann flutti til London árið 2019 til að stunda bakkalárnám við Royal Academy of Music, þar sem hann lærði selló undir handleiðslu Josephine Knight. Við skólann naut hann þess að vinna með tónlistarfólki á borð við Adrian Brendel, Guy Johnston, Sheku Kanneh-Mason, Joanna MacGregor, Ed Gardner og Semyon Bychkov.

Kammertónlist er helsta ástríða og áhersla Miki, og hann heldur reglulega tónleika í London með tríóinu sínu – Temporal Harmonies Inc., sem og með tónlistarhópnum sínum Londinium Consort, þar sem hann leikur á viola da gamba.

Nýlega hefur hann leikið þrenna tónleika í Wigmore Hall með Londinium Consort, NASH-hópnum og með Temporal Harmonies Inc., þar sem meðal annars voru flutt tvö ný verk pöntuð af Royal Philharmonic Society.

Miki starfar einnig sem hljóðupptökumaður. Meðal nýlegra samstarfsverkefna hans eru upptaka á söngflokki Daniels Davis, The Cloud, með Sonnen Quartet og barítóninum Jonathan Eyres í Wigmore Hall, sem og upptaka á fyrstu plötu Londinium Consort sem verður gefin út bráðlega.

Miki hefur brennandi áhuga á því að vinna með tónskáldum og að víkka verkatal fyrir bæði sellóið og kammerhópana sem hann spilar með. Hann hefur einnig mikla ástríðu fyrir samfélagsþátttöku í tónlistarheiminum og tónlistarþerapíu. Í gegnum Open Academy Royal Academy hefur Miki fengið tækifæri til að læra að leiða vinnustofur og tónleika fyrir fólk með heilabilun, námsörðugleika og fyrir börn. Þetta hefur orðið órjúfanlegur og sérlega mikilvægur þáttur í tónlistarlífi hans.

Sem stendur er Miki að ljúka meistaranámi í tónlist við Royal Academy of Music, þar sem hann stundar nám hjá John Myerscough úr Doric Quartet.

mikolaj kemur fram fram á

Mikolaj er eðlimur
Temporal Harmonies Inc.