Lee Marable
Grafískur hönnuður
Lee Marable er grafískur hönnuður og arkitekt sem starfar í London. Hann vinnur sem borgarhönnuður hjá We Made That og rekur einnig hönnunarstofuna Regular Celery.
Lee lauk námi í arkitektúr við Cardiff University og London Metropolitan University og fékk starfsleyfi sem arkitekt árið 2016. Hann hefur unnið við fjölbreytt verkefni við arkitektúr- og hönnunarstúdíó í Stokkhólmi, Helsinki og London. Lee stofnaði Regular Celery árið 2017 og hefur síðan þá unnið að margvíslegum verkefnum, meðal annars að hönnun bakpoka, tímarita og textíla. Hann hefur sérstakan áhuga á risograph-prentun og gaf út tímaritið BUM Editions, menningartímarit prentað með risograph-aðferðinni, á árunum 2019 til 2022. Lee hefur hlotið styrki frá Grafia (samtökum finnskra hönnuða) og Taike (finnsku listahvatamiðstöðinni) fyrir starf sitt sem grafískur hönnuður og útgefandi. Hann er einnig reyndur rithöfundur á sviði arkitektúrs og skrifar reglulega fyrir tímarit á borð við Finnish Architectural Review, ICON og Bauwelt.
Lee á netinu:
Vefsíða